ԿԱՄՈ ՍԵՅՐԱՆՅԱՆ

Ծնվել է 1979թ. փետրվարի 5-ին, ՀՀ Կոտայքի մարզի Չարենցավան քաղաքում: 1985-93թթ սովորել է տեղի թիվ 4 միջնակարգ դպրոցում, 1994-97թթ` Երևանի Ա.Բաբաջանյանի անվան երաժշտական ուսումնարանում, 1997-2002թթ` Երևանի Կոմիտասի անվան պետական կոնսերվատորիայում: 1997թ. մասնակցել է Հայաստանի ազգային ռադիոյի կազմակերպած 15-50 տարեկան դուդուկահարների փառատոնին, որը նվիրված էր հայտնի դուդուկահարներ Մարգար Մարգարյանին, Լևոն Մադոյանին և Վաչե Հովսեփյանին, որտեղ արժանացել է հատուկ մրցանակի: 2003թ-ից դուդուկ է դասավանդում Երևանի կոնսերվատորիայի ժողովրդական գործիքների ամբիոնում: 2006թ. ավարտել է նաև կոնսերվատորիայի ասպիրանտուրան: 2006թ-ից նկարահանվել է մի շարք տեսահոլովակներում` որպես դուդուկահար, մասնակցել բազմաթիվ երաժշտական մրցանակաբաշխությունների Երևանում, Մոսկվայում, Լոս Անջելեսում: 2010թ. ԱՄՆ-ում համատեղ համերգային ծրագրով հանդես է եկել «Forbidden Saints» հայտնի խմբի հետ: Համերգային ծրագրերով հանդես է եկել բազմաթիվ երկրներում` ԱՄՆ, Ավստրալիա, Ֆրանսիա, Ավստրիա, Հունաստան, Սիրիա, Ուկրաինա, Նիդերլանդներ, Բելգիա, Թուրքմենստան, Լիբանան, Ռուսաստան և այլուր: 2012թ. արժանացել է Հայաստանի վաստակավոր արտիստի կոչման: