ՄԱՐԻԱՄ ՂԱԶԱՆՉՅԱՆ

Դերասանուհի

Ծնվել է 1986թ. փետրվարի 16-ին, Երևանում: Բեմադրիչ Հակոբ Ղազանչյանի դուստրն է: 2003թ. ավարտել է Երևանի Ս.Սպանդարյանի անվան թիվ 24 միջնակարգ դպրոցը: 2003-07թթ սովորել է Երևանի թատրոնի և կինոյի պետական ինստիտուտի դերասանական բաժնում: 2005թ-ից աշխատում է Երևանի Պատանի հանդիսատեսի թատրոնում` որպես դերասանուհի: Խաղացել է մի շարք ներկայացումներում` Ռ.Կալինոսկու «Հրեշը լուսնի վրա» (Սեդա), Կ.Խոդիկյանի «Տրակտատ թաշկինակի մասին» (Դեզդեմոնա), Վ.Պետրոսյանի «Վերջին ուսուցիչը» (Մարի), Վ.Շեքսպիրի «12-րդ գիշերը» (Վիոլա), «…և օրինավոր բանտ» (Օֆելյա), «Ջուլիետ» (Ջուլիետ), Բ.Շոուի «Էլիզա» (էլիզա), Գ.Մամլինի «Հեյ… քեզ հետ եմ, բարև» (Մաշկյ) և այլն: Մասնակցել է մի շարք հեղինակավոր թատերական միջազգային փառատոների Լեհաստանում, Գերմանիայում, Կիպրոսում, Լոնդոնում, Մակեդոնիայում, Ռուսաստանում: 2006թ. արժանացել է ՀԹԳՄ «Արտավազդ» թատերական մրցանակի` «Լավագույն դեբյուտ» անվանակարգում` Սեդայի «Հրեշը լուսնի վրա» դերի համար: 2009թ. Վրոցլավի միջազգային թատերական մոնոփառատոնին արժանացել է «Հատուկ մրցանակի»` «Լավագույն դերակատար» և «Լավագույն ներկայացում» անվանակարգերում` ըստ Վ.Շեքսպիրի «Ջուլիետ» մոնոներկայացման համար: 2010թ. Վոլոդինի «Օֆելիա» մոնոներկայացմամբ հանդես է եկել Գերմանիայի «Thespis» միջազգային թատերական փառատոնին: 2011թ. արժանացել է ՀԹԳՄ «Արտավազդ» մրցանակի` «Տարվա լավագույն երիտասարդ դերասանուհի» անվանակարգում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար