ՄԵՐԻ ՇԱՀԲԱԶՅԱՆ

Դերասանուհի

Ծնվել է 1932թ. դեկտեմբերի 26-ին, Սոչիում: 1941թ. տեղափոխվել է Երևան, որտեղ ավարտել է միջնակարգ ուսումը: 1953-58թթ սովորել է Երևանի գեղարվեստաթատերական ինստիտուտի դերասանական ֆակուլտետում` Վավիկ Վարդանյանի արվեստանոցում: 1958թ-ից աշխատում է Երևանի Հ.Պարոնյանի անվան երաժշտական կոմեդիայի պետական թատրոնում` որպես դերասանուհի: Առաջին դերը եղել է Մայան` «Ծղնեթցի Մայան» օպերետում: Կերտել է բազմաթիվ դերեր մի շարք ներկայացումներում` Կաթնաուխովա-Բրաուսևիչի «Ալվան ծաղիկ» (Ալյոնուշկա), Դ.Պսաֆասի «Պահանջվում է ստախոս» (Ջենի), Ա.Պապայանի «Երևանյան վարդեր» (Սաթենիկ), «Արտասահմանյան փեսացու» (Շուշո), Վ.Շեքսպիրի «Ոչնչից մեծ աղմուկ» (Հերո), «Վինձորի զվարճասեր կանայք» (Տիկին Պեչ), Մոլիերի «Ժորժ Դանդեն» (Անժելիկա), Գ.Տեր-Գրիգորյանի «Իմ սիրելի Ժորժ» (Սիրան), Ի.Կալմանի «Սիլվա» (Ստասի), Ս.Ջրբաշյանի «Երազիկ» (Ժոզեֆինա), Ժ.Հարությունյանի «Գլխի գինն է 50 միլիոն» (Զարինե), Ա.Այվազյանի «Ուշ լինի, նուշ լինի» (Շողիկ), Գ.Շահինյանի «Թութակները վանդակում» (Նանա), Կ.Գոլդոնիի «Վենետիկյան երկվորյակներ» (Կոլոմբինա), Բրանդոյի «Չարլեի մորաքույրը» (Էննի), Գ.Սունդուկյանի «Խաթաբալա» (Խամփերի), Ա.Ցագարելիի «Խանումա» (Անուշ տատիկ) և այլն: Հյուրախաղերով շրջագայել է Հայաստանի գրեթե բոլոր շրջաններ և գյուղեր: Արժանացել է մի շարք պատվորգերի և մեդալների:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար