ՏԻԳՐԱՆ ՄԱԿԱՐՅԱՆ

Ծնվել է 1991թ. նոյեմբերի 27-ին, Երևանում: 2008թ. ավարտել է Երևանի Մայակովսկու անվան թիվ 7 միջնակարգ դպրոցը: 2008-12թթ սովորել է Երևանի թատրոնի և կինոյի պետական ինստիտուտի դերասանական ֆակուլտետում` Արմեն Էլբակյանի արվեստանոցում: 1-ին կուրսից խաղացել է Երևանի Է.Էլբակյանի անվան թատրոնի մանկապատանեկան ներկայացումներում: Խաղացել է Վ.Շեքսպիրի «Ռոմեո և Ջուլիետ» (Տիբալթ), Զ.Խալափյանի «Տարբեր նվագներ» (Լիպարիտ), Ֆ.Վերֆելի «Մուսա լեռան 40 օրը» (Թուրք) և այլ ներկայացումներում: 2010թ-ից նկարահանվել է Հայաստանի հանրային հեռուստաընկերության «Հրեշտակների դպրոցը» հեռուստասերիալում: 8 տարի հաճախել է լողի: Զբաղվել է նաև «Muay Thai Boxing» մարզաձևով, որտեղ գրանցել է հաջողություններ: