Գալուստ Շերմազանյան

Բանահավաք, դրամատուրգ

Գարեգին Սրվանձտյան

Ազգագրագետ, եկեղեցական գործիչ, բանասեր-բանահավաք

Միքայել Փորթուգալ

Բանասեր, հայագետ

Մամիկոն Գևորգյան

Դրամատուրգ, թարգմանիչ

Մուշեղ Աղայան

Կոմպոզիտոր, երաժշտագետ

Տիրան Երկանյան

Ճարտարապետ

Արշալույս Արշարունի

Բանաստեղծ, գրականագետ, թատերագետ

Սերգեյ Սարինյան

Գրականագետ

Առաքել Առաքելյան

Գեղանկարիչ

Սերժ Առաքելյան

Բանաստեղծ, լրագրող

Արմեն Սմբատյան

Կոմպոզիտոր

Արմեն Միրաքյան

Օպերային երգիչ

 

 

 

 

ՄԱՐԻՆԵ ՄԽԻԹԱՐՅԱՆ

Դերասանուհի

Ծնվել է 1967թ. հունվարի 9-ին, Կիրովականում (այժմ` Վանաձոր): Եղել է օպերային երգիչ Արմեն Միրաքյանի կինը: Ավարտել է Կիրովականի Է.Կզարթումյանի անվան թիվ 1 երաժշտական դպրոցի քանոնի դասարանը: 1983-85թթ սովորել է Հայաստանի թատերական ընկերության դրամատիկական ստուդիայում, 1995-2000թթ` Երևանի թատրոնի և կինոյի պետական ինստիտուտի դերասանական-ռեժիսորական բաժնում: 1984-96թթ աշխատել է Վանաձորի Հ.Աբելյանի անվան պետական դրամատիկական թատրոնում` որպես դերասանուհի: Խաղացել է Մետերլինկի «Կապույտ թռչուն» (Միտիլ), Մ.Լերմոնտովի «Դիմակահանդես» (Նինա), Յուժին-Սումբատովի «Դավաճանություն» (Գայանե), Ա.Շիրվանզադեի «Չար ոգի» (Սոնա), Կաթնաուխովա-Բրաուսևիչի «Ալվան ծաղիկը» (Ալյոնուշկա), Գ.Մահարու «Կուզիկն ու Ոսկեմազիկը» (Ոսկեմազիկ) և այլ ներկայացումներում: Վ.Ռոզովի «Վարազիկ» ներկայացման մեջ խաղացել է Օլգա, և 1988թ. Կապանի երիտասարդ ստեղծագործողների փառատոնի ժամանակ արժանացել առաջին մրցանակի` «կանացի լավագույն դերակատարման համար»: Թատերախմբի հետ հյուրախաղերով մեկնել է Ռուսաստան, Ուկրաինա, Մերձբալթյան հանրապետություններ, Մոլդովա, Պորտուգալիա, Ֆրանսիա, Շվեյցարիա, մասնակցել մի շարք միջազգային թատերական փառատոների և արժանացել մրցանակների: 1984-95թթ համատեղության կարգով աշխատել է Ուսուցչի տանը` որպես ասմունքի ղեկավար, նաև Մանկական գեղագիտական կենտրոնում` որպես թատերական և ասմունքի խմբի ղեկավար: 1984-2002թթ վարել է Վանաձորում կազմակերպվող բազմաթիվ միջոցառումներ: 1991թ. եղել է «Ինտերկապ» կաբելային հեռուստաստուդիայի, այժմ` «Լոռու ՄԻԳ» հեռուստառադիոընկերության առաջին հեռուստահաղորդավարը: 1997-98թթ աշխատել է  Երևանի Գ.Սունդուկյանի անվան ազգային ակադեմիական թատրոնում` որպես դերասանուհի, 1998-2000թթ` Երևանի Հ.Ղափլանյանի անվան պետական դրամատիկական թատրոնում: Խաղացել է Մոլյերի «Ակամա բժիշկը», Ե.Օտյանի «Սեր և ծիծաղ», Ն.Ադալյանի «Կինը և տղամարդը», Պ.Զեյթունցյանի «Հիսուս Նազովրեցին և նրա երկրորդ աշակերտը», Ս.Ստրատիևի «Ավտոբուս» ներկայացումներում: 2000թ-ից աշխատում է Երևանի թատրոնի և կինոյի պետական ինստիտուտում` որպես բեմական խոսքի ավագ դասախոս: 2000-02թթ ԵԹԿՊԻ-ում վարել է բեմական խոսքի, պարի և երգի մրցույթներ: 2007թ. զուգահեռաբար աշխատել է Կոմիտասի անվան կամերային երաժշտության տանը` որպես համերգավար: 2007-09թթ դասավանդել է «Անանիա Շիրակացի» համալսարանում: Գրել է սցենարներ: 2009թ. նրա գրած սցենարի հիման վրա բեմադրվել է «Գլխարկները վեր Ազնավուրն է երգում» պիեսը` նվիրված  Շառլ Ազնավուրի 85-ամյակին: 2009-12թթ դասավանդել է Կոմիտասի անվան պետական կոնսերվատորիայի Գյումրիի մասնաճյուղում: 2011թ. ասմունքով մասնակցել է «Զարթոնք» համերգային ընկերության գրական-երաժշտական երեկոներին: Նկարահանվել է բազմաթիվ գեղարվեստական և վավերագրական ֆիլմերում և տեսահոլովակներում` «Քարեր» (Ռուսաստան), «Ծովափում» (Իտալիա), «Ավելի, քան սեր» (Մոսֆիլմ), «Վրիժառու-1», «Վրիժառու-2» (ԱՄՆ), «Էտյուդ», «Թևավոր պատրանք», «Ոչ մի բայց» և այլն: Նկարահանվել է հեռուստասերիալներում` «Վերվարածները», «Որոգայթ», «Որբեր», «Աննա», «Կյանքի գինը», «Հրեշտակների դպրոցը»: Թղթակցել է «Զրուցակից», «Եթեր» շաբաթաթերթին, «Իրավական մշակույթ» երկշաբաթաթերթին: 1992թ-ից ՀՕՄ կանանց հասարակական կազմակերպության անդամ է: Կազմակերպել է մի շարք մշակույթային միջոցառումներ: Ասեղնագործել է և 1995թ. աշխատանքները ցուցադրվել են Ֆրանսիայում, Վանաձորի կերպարվեստի պետական թանգարանում և այլն: ՀՀ մշակույթի նախարարության կողմից արժանացել է ժողովրդական վարպետի կոչման: Հայկական թատերական ընկերության, 2012թ-ից` ավանդական արվեստների և փառատոների միջազգային կազմակերպության (CIOFF) անդամ է:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար