ԱՐՏԱՇԵՍ ԱԼԵՔՍԱՆՅԱՆ

Դերասան

Ծնվել է 1961թ. հուլիսի 17-ին, Երևանում: 1978թ. ավարտել է Լենինականի (այժմ` Գյումրի) ֆիզիկամաթեմատիկական թեքումով թիվ 33 միջնակարգ դպրոցը: Դպրոցից հետո աշխատել է որպես ճանապարհային շինարարության բանվոր: 1982-84թթ սովորել է Երևանի Գ.Սունդուկյանի անվան ազգային ակադեմիական թատրոնի ստուդիայում` Խորեն Աբրահամյանի ղեկավարությամբ, 1984-88թթ` Մոսկվայի համամիութենական պետական կինոինստիտուտում` Արմեն Ջիգարխանյանի ղեկավարությամբ: 1986թ. նկարահանվել է Սվերդլովսկի կինոստուդիայում և «Ղազախֆիլմ»-ում: 1988-90թթ աշխատել է Երևանի Գ.Սունդուկյանի անվան ազգային ակադեմիակն թատրոնում` որպես դերասան: 1990թ. նկարահանվել է «Երեք թագավորների պատերազմը» և «Ինկած բերդի իշխանուհին» ֆիլմերում, վերջինիս համար արժանացել է «Տարվա լավագույն դերասան» մրցանակին: 1991-92թթ մասնակցել է Արցախի պատերազմին, եղել է ֆիդայի: 1992-94թթ աշխատել է Երևանի Մ.Մկրտչյանի անվան արտիստական թատրոնում` որպես դերասան: 1994-96թթ նկարահանվել է «Լենֆիլմ» կինոստուդիայի «Սիրո անիվ», «Գարի Պալմեր», «Ջարդված լապտերների փողոց», «Աբու Լալա Մահարի» ֆիլմերում: 1994-96թթ աշխատել է հայկական մի քանի հեռուստաընկերություններում և Գ.Սունդուկյանի անվան թատրոնում: 1998-2001թթ եղել է Չեխիայի Մայր թատրոնի ռեժիսոր, որտեղ բեմադրել է 5 ներկայացում` Վ.Շեքսպիրի «Մակբեթ», Լոպե դե Վեգայի «Շունը դեզի վրա», Ն.Գոգոլի «Ռևիզոր», Թ.Բրանդոյի «Չառլիի մորաքույրը», Ռ.Կալինովսկու «Գազանը լուսնի վրա»: Չեխիայում ունեցել է անհատական նկարների երկու ցուցահանդես: 2002-03թթ կրկին համագործակցել է «Լենֆիլմ» կինոստուդիայի հետ` «Ռուսական տապան», «Հատուկ նշանակության ջոկատ», «Սուրը ամպերի մեջ», «Բանդիտական Պետերբուրգ»: Բեմադրել է Հայաստանում քրիստոնեությունը որպես պետական կրոն ընդունման 1700-ամյակին և Հայոց Մեծ եղեռնին նվիրված ներկայացումները: 2003-12թթ Երևանի Գ.Սունդուկյանի անվան ազգային ակադեմիական թատրոնում կերտել է ավելի քան 10 կերպար, նկարահանվել է «Մի վախեցիր», «Poker.am», «Գարեգին Նժդեհ» ֆիլմերում, «Արմենիա» հեռուստաընկերության «Ճակատագրի գերիներ», «Դժբախտ երջանկություն», «Վերադարձ», «Ոստիկաններ» հեռուստասերիալներում, խաղացել է «Արա Գեղեցիկ», Վ.Շեքսպիրի «Համլետ», Վ.Սահակյանի «Ժանգոտ բանալի» ներկայացումներում: Դասավանդում է Երևանի Խ.Աբովյանի անվան պետական մանկավարժական համալսարանի կուլտուրայի ֆակուլտետում: 2011թ. հիմնել է թատրոն-ստուդիա, որտեղ բեմադրել է «Հայերի դատը մարդկության դատն է» ներկայացումը: Պուշկինի և Յախունտովի ասմունքի մրցույթների 1-ին և 2-րդ մրցանակների դափնեկիր է, Գյումրու «Ոսկե Մուշարբա» մրցանակակիր, Մահապարտների ջոկատի պատվավոր անդամ: 2004թ. սփյուռքում հայապահպանման և հայ մշակույթը տարածելու և մեծ վաստակ ունենալու համար, նրա անունը գրանցվել է հայ-սփյուռքի հանրագիտարանում: Արժանացել է «Վազգեն Սարգսյան», «Մարտական գործողությունների մասնակից», «Հովհաննես Բաղրամյան», «Սասունցի Դավիթ», «Գարեգին Նժդեհ» շքանշանների և ՀՀ մշակույթի նախարարության ոսկե մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար