Դավիթ Թրյանց

Դերասան

Էմմա Ստեփանյան

Դերասանուհի

Անահիտ Ցիցիկյան

Ջութակահար, երաժշտագետ

Ալբերտ Յավուրյան

Կինոօպերատոր

Աննա Վարդանյան

Դերասանուհի

Արման Սաղաթելյան

Հաղորդավար

Ժակ

Հաղորդավար

Միքայել Ոսկանյան

Թառահար, կոմպոզիտոր

Գրիգոր Կյոկչյան

Երգիչ, երգահան, դաշնակահար

 

 

 

 

ԷՐԻԿ ՊՈՂՈՍՅԱՆ

Դերասան, դրամատուրգ

Ծնվել է 1953թ. ապրիլի 24-ին, ԱՄՆ Մասաչուսեթս նահանգի Վոբուրն քաղաքում, հայ հոր և ամերիկուհի մոր ընտանիքում: Ավարտել է Օբերլին քոլեջը և տեղափոխվել Նյու Յորք, որտեղ սկսել է դերասանական գործունեությունը տեղի թատրոններում: Նրա գրած և ներկայացրած առաջին մենապիեսները եղել են «Մարդը ներքուստ» (1981թ.), «Ամերիկայի ձայները», «Զվարճանքի տունը» (1982թ.), «Հարբեցողությունն Ամերիկայում» (1985թ.) «Ռադիոզրույցներ» (1987թ.): Վերջին պիեսը երկու տարի անց նկարահանել է Օլիվեր Սթոունը, իսկ Էրիկի կինոդերակատարումն արժանացել է Բեռլինի կինոփառատոնի բարձրագույն` «Արծաթե արջ» մրցանակին: Նույն թվականին Ֆրենք Զափայի հետ ձայնագրել է «Արյուն կտավի վրա» ռադիոկատակերգությունը: 1991թ. խաղացել է «Սեքս, թմրադեղեր, ռոքնռոլ» մենաներկայացման մեջ, որը նկարահանել է Ջոն Մքնոթոնը: Հեղինակ է նաև «Ճակատովս հատակին մեխեր եմ խփում», «Զգույշ պահը», «Մարդիկ մութ ժամանակներում», «Նոր աշխարհը», «Ռիքի Փոլ շոու», «Կապույտ ծուխ», «Արթնացիր և շնչիր սուրճի բույրը» և այլ պիեսների: Հրատարակել է «Նշումներ գետնաշխարհից» (1993թ.) և «Հիմնական Պողոսյանը» (1994թ.) թատերգությունների ժողովածուները, «Ճեմուղի» (2001թ.) և «Կորսված գեղեցկություն» (2004թ.) վեպերը, որոնք դարձել են բեսթսելերներ: Նրա թատերախաղերը հաջողությամբ ներկայացվել են աշխարհի տարբեր բեմահարթակներում, որոնցից երեքն արժանացել են «Օբի» հեղինակավոր մրցանակին: 1983թ-ից նկարահանվել է ֆիլմերում` Թ.Հաքֆորդի «Դոլորես Քլեյբորն», ապա` Դ.Գագենհայմի «Բամբասանք», Մ.Ռաուչի «Մոլախոտերի վրա», Ջ.Չոփրայի «Շիկահեր», Ա.Հոլանդի «Կրակված սրտին», Ա.Էգոյանի «Արարատ» և այլն, «Մայամիի չարիքը», «Մթնշաղի գոտին» ու այլ հեռուստաշարքերում: Որպես խոսնակ` հանդես է եկել հայապատում վավերագրական կինոնկարներում, այդ թվում` Զ.Ճգնավորյանի «Կոչեմ ապրողաց կամ Ժողովրդի թշնամին. հայերը ետ են նայում, դեպի Ստալինի տեռորին» (1998թ.) և Փ.Ռոզենի «Խաչատրյանը» (2003թ.): Գրել և ներկայացրել է «Հայ 101» մենախոսությունը, «Խորանի սպասյակը» և «Ես հայկական ծագում ունեմ» երկերը: 1994թ. արժանացել է ԱՄՆ-ում մի հայ անանուն բարերարի հիմնած «Անահիտ» գրական մրցանակին:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար