Արշավիր Մելիքյան

Հրապարակախոս, պետական գործիչ

Ալեքսանդր Մյասնիկյան

Պետական գործիչ, գրականագետ

Գաբրիել Արու

Դրամատուրգ, արձակագիր, թարգմանիչ

Արամ Արման

Բանաստեղծ

Արարատ Հովսեփյան

Քանդակագործ

Խաչիկ Շիրակյան

Քամանչահար

Հրաչյա Պողոսյան

Ճարտարապետ

Լաուրա Գևորգյան

Դերասանուհի

Արամ Հայթյան

Պատմաբան

Սվետլանա Խանումյան

Ասմունքող, փիլիսոփա

Արմեն Թութունջյան - Չիկո

Թմբկահար, ջազմեն, հաղորդավար

Աշոտ Աղաբաբյան

Արձակագիր, լրագրող

Արթուր Բախտամյան

Հաղորդավար, ռեժիսոր

Նիկոլ Աղաբաբյան

Գեղանկարիչ

 

 

 

 

ՇԱՔԵ ԹՈՒԽՄԱՆՅԱՆ

Դերասանուհի

Ծնվել է 1951թ. դեկտեմբերի 5-ին, Երևանում: Դերասան Ժան-Պիեր Նշանյանի կինն է: Ավարտել է Երևանի Կիրովի անվան միջնակարգ դպրոցը: 1968-71թթ սովորել է Երևանի Գ.Սունդուկյանի անվան ազգային ակադեմիական թատրոնին կից ստուդիայում: 1969թ. առաջին անգամ բեմ է բարձրացել և խաղացել Դեզդեմոնայի դերը Վ.Շեքսպիրի «Օթելլո» ներկայացման մեջ: Հետագայում խաղացել է բազմաթիվ դերեր մի շարք ներկայացումներում` Վ.Սարոյանի «Խաղողի այգին» (Շաքե), «Իմ սիրտը լեռներում է» (Էսթեր), Մ.Գորկու «Հատակում» (Նատաշա), Գ.Սունդուկյանի «Պեպո» (Կեկել), Եվրիպիդեսի «Իֆիգենիան ավլիսում» (Իֆիգենիա), Մ.Պանյոլի «Տոպազ» (Էռնեստ), Վ.Դելմարի «Հիշիր վաղվա օրդ» (Ռոդա), Ա.Վասիլևի «Առավոտներն այստեղ խաղաղ են» (Սոնյա Գուրվիչ), Լ.Տոլստոյի «Կենդանի դիակ» (Սաշա), Ա.Վամպիլովի «Ավագ որդին» (Նինա), Ժ.Հարությունյանի «Խաչմերուկ» (Հասմիկ) և այլն: Մասնակցել է մի շարք ռադիոյի և հեռուստատեսային բեմականացումների` «Չաո», «Երկնագույն եղջերուներ», «Վերջին զոհը», «Միջնորդ տեր պապան» և այլն: Նկարահանվել է «Եռանկյունի» (1967թ.), «Հայրիկ» (1972թ.), «Երկունք» (1976թ.), «Վանա ծովու արշալույսը» (2011թ.) ֆիլմերում: 1980թ. տեղափոխվել է ԱՄՆ, որտեղ 1983թ. ամուսնու հետ հիմնել է Վ.Աճեմյանի անվան թատրոնը: Խաղացել է ավելի քան 35 դեր: 2005թ. ԱՄՆ-ում նկարահանվել է Ա.Փեյնի «Կողմնակի արահետ» ֆիլմում, որը արժանացել է 2 «Ոսկե Գլոբուս» և 1 «Օսկար» մրցանակների: 2006թ. նկարահանվել է Ա.Նիկոլի «Զենքի արքան» ֆիլմում: 2012թ. ԱՄՆ կառավարության կողմից պարգևատրվել է «Կինն արվեստում»` «Տարվա լավագույն արվեստագետ» պատվոգրով: 2015թ. արժանացել է Հայաստանի վաստակավոր արտիստի կոչման: