A.R.S. ՏՐԻՈՆ ՆԵՐԿԱՅԱՑՆՈՒՄ Է ԻՐ ՆՈՐ TIME ՁԱՅՆԱՍԿԱՎԱՌԱԿԸ

11 ՀՈՒՆԻՍ, 2015

Հունիսի 21-ին, Երևանի Ուլիխանյան ակումբում կկայանա «A.R.S.» տրիոյի «Time» ձայնասկավառակի շնորհանդեսը, որից հետո տրիոն հանդես կգա համերգային ծրագրով: Երեկոյի ընթացքում կլինեն հատուկ հյուրեր` շեփորահարներ Տիգրան Սուչյանը և Հայկ Ղազարյանը:

«A.R.S.» տրիոն ձևավորվել է 2012թ., Արաբական Միացյալ Էմիրություններում: Իր առաջին «Time» ձայնասկավառակը ձանագրել է 2014թ. Հայաստանում: Ձայնասկավառակի վերջնական մշակումները կատարվել են ԱՄՆ-ում: Ձայնասկավառակում ընդգրկված են Արթուր Գրիգորյանի և Սամվել Գասպարյանի հեղինակային 6 ստեղծագործություններ` սոուլ, բի-բոփ ոճերում` լրացված հայկական երաժշտության էլեմենտներով:

Նշենք նաև, որ հունիսի 23-ին տրիոն նույն կազմով հանդես կգա նաև «Ֆորշ» ակումբում: 

Խմբի անդամների մասին

Սամվել Գասպարյան - ստեղնաշարային գործիքներ
Ավարտել է Երևանի Կոմիտասի անվան պետական կոնսերվատորիան: Մասնակցել է Բոստոնի Բերքլիի ջազային քոլեջի ամառային ծրագրին: Աշխատել է Հայաստանի պետական ջազ նվագախմբում: 2011թ. մասնակցել է «Nattingham», 2012թ.` «Montreaux Jazz» միջազգային դաշնակահարների ջազ մրցույթներին: Նույն թվականներին Լոս Անջելոսում հայկական երաժշտական մրցանակաբաշխության ժամանակ, Հայաստանի պետական ջազ նվագախմբի հետ միասին ստացել է մրցանակ` որպես նվագախմբի լավագույն առաջատար երաժիշտ: Ձայնագրվել է 6 ձայնասկավառակներում: Հրավիրվել և տևական ժամանակով աշխատել է Իսպանիայում, ԱՄՆ-ում և Դուբայում:

Արթուր Գրիգորյան - ալտ, սոպրանո սաքսոֆոն
Ավարտել է Երևանի Կոմիտասի անվան պետական կոնսերվատորիան: Մասնակցել է Բոստոնի Բերքլիի ջազային քոլեջի ամառային ծրագրին: Աշխատել է Հայաստանի հանրային ռադիոյի սիմֆոնիկ ջազային նվագախմբում: Նվագել է «Արտ Վոիսիս», «Կատուներ», «Ռեյնկարնացիա», «Չիկոն և ընկերները» խմբերում: 2009թ. «Արտ Վոիսիս» խմբով մասնակցել է «Եվրոպական ջազ» փառատոնին և շահել «Գրան Պրի» մրցանակ: 2010թ. և 2014թ. մասնակցել է «Կավկազ Ջազ» փառատոնին: Համերգներով հանդես է եկել ԱՄՆ-ում, Վիեննայում, Գերմանիայում, Պրահայում, Կիպրոսում, Հնդկաստանում և այլուր:

Ռոնի Աֆիֆ - հարվածային գործիքներ (Լիբանան)
Երաժշտական լայն գործունեություն է ծավալել Մերձավոր Արևելքի տարածաշրջանում: Ելույթ է ունեցել համաշխարհային ճանաչում ունեցող ջազային երաժիշտների հետ, ինչպիսիք են Բոբբի Մքֆերին, Բոբ Ֆրանչեսկինին և այլք: Մասնակցել է «Ջավա Ջազ», «Դուբայ Ջազ», «Աբու Դաբի Ջազ» փառատոներին:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար