Սարգիս Տիգրանյան

Թատերագետ, թարգմանիչ

Գևորգ Ասատուր

Բանասեր, թարգմանիչ

Ժիրայր Օրագյան

Գեղանկարիչ

Արամ Խաչատրյան

Կոմպոզիտոր, դիրիժոր

Սերգեյ Արուտչյան

Բեմանկարիչ

Քըրք Քըրքորյան

Գործարար, կինոգործիչ

Լաերտ Վաղարշյան

Կինոռեժիսոր

Հրայր Խանեդանյան

Օպերային երգիչ, կոմպոզիտոր, գեղանկարիչ

Սերժ Սիմոնյան

Երաժիշտ, դիջեյ

Ալեն Մանուկյան

Կինոռեժիսոր

 

 

 

 

ԵՂԻՇԵ ՉԱՐԵՆՑԻ ՏՈՒՆ-ԹԱՆԳԱՐԱՆ

Եղիշե Չարենցի տուն-թանգարանը գտնվում է Երևանի կենտրոնում, Մաշտոցի պողոտա թիվ 17 հասցեում:  Խորհրդային Հայաստանի նախարարների խորհրդի 1964թ. փետրվարի 8-ի որոշմամբ 20-րդ դարի հայ անվանի բանաստեղծի` 1935-37թթ ապրած բնակարանում  հիմնադրվեց նրա տուն-թանգարանը, որն իր դռները բացեց ժողովրդի առջև 1975թ. հունվարին: 1987թ. Չարենցի ծննդյան 90-ամյա հոբելյանի առթիվ շենքը ենթարկվեց մասնակի փոփոխության և Հայաստանի կառավարության որոշմամբ թանգարանի տարածքն ընդլայնվեց: Այսօր թանգարանն ընդգրկում է 575 քմ տարածք, վերականգնված է մեմորիալ մասը, իսկ մյուս երեք հարկաբաժինները զբաղեցնում է հիմնական ցուցադրությունը: Տուն-թանգարանը բանաստեղծի կյանքի, ստեղծագործության, ազգային-հասարակական գործունեության ուսումնասիրության գիտական կենտրոն է: Թանգարանում պահպանվում են բանաստեղծից մեզ հասած մասունքներ, նյութեր` կապված Չարենց մարդու, քաղաքացու, մեծ բանաստեղծի, թարգմանչի, հրատարակչի հետ, որոնց ընդհանուր թիվը հասնում է 17 հազարի: Հիմնական ‎ֆոնդն ընդգրկում է 7760 թանգարանային նմուշ: Թանգարանի նվիրական մասերից է հուշատունը`արևելյան ու եվրոպական արվեստների նուրբ, բարձրաճաշակ համադրումով: Հուշային մասում իր առանձնակի տեղն ունի բանաստեղծի անձնական գրադարանը: 30-ական թվականների վերջերին, Չարենցի անձնական գրադարանն ընդգրկել է մոտ 6000 գիրք: Բանաստեղծի ձեռբակալությունից հետո, ցավոք, գրքերի մեծ մասը ոչնչացվել է: Այսօր մեզ է հասել 1422 կտոր գիրք: Բազմաթիվ գրականագետներ, ուսանողներ, աշակերտներ օգտվում են բանաստեղծի անձնական գրադարանից:  Թանգարանն իր հիմնական առաքելությունից բացի, կազմակերպում է ցուցահանդեսներ, գրական-երաժշտական երեկոներ, դասախոսություններ, համերգներ, հանդիպումներ, շնորհանդեսներ, պոեզիայի օրեր և այլն: Ե.Չարենցի տուն-թանգարանի տնօրենն է Լիլիթ Հակոբյանը: Նրա խոսքերով միայն 2013թ. ընթացքում թանգարանում կատարվել են բազմաթիվ աշխատանքներ՝ իրականացրել են 33 միջոցառում, որոնցից 22-ը եղել են ցուցահանդեսներ: Թանգարանը համալրվել է 40 նոր նյութերով, որոնք ձեռք են բերվել նվիրատվության միջոցով: Վերականգնել ենք 168 գիրք, ինչպես նաև 750-ից ավելի առարկաների համար գրվել են նոր գիտական վկայագրեր:  

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար